आगामी संविधानसभा निर्वाचनका लागि दल दर्ता गराउनेको संख्या शुक्रबारसम्म ३३ पुगेको निर्वाचन आयोगले जनाएको छ। निर्वाचन आयोगले दिएको जानकारी अनुसार विगठित संविधान सभामा प्रतिनिधित्व गर्ने दलहरु २९ र नयाँ ४ गरी ३३ दलले अहिलेसम्म दर्ता गराएको हो।

निर्वाचन आयोगले दल दर्ता खोलेको पहिलो दिनै प्रमुख दलहरूबीच 'पहिलो नम्बरमा को ?' भन्ने हानथाप सुरु भएको छ । कार्यालय समय ९ बजे सुरु हुने थाहा पाएका दलका नेताहरू दर्ता प्रक्रियामा आफू पहिलो हुन सूर्योदय नहुँदै आयोग कार्यालय कान्तिपथ पुगेका थिए ।

निर्वाचन आयोगले संविधानसभा चुनावका लागि अनुकूल वातावरण बनाउन राजनीतिक दल र सरकारबाट अपेक्षाकृत काम नभएको गुनासो गरेको छ । आयोगले चुनाव गराउन आफू सक्षम रहेको तर सरकार र दलका तर्फबाट राजनीतिक र अन्य वातावरण मिलाउने काम हुन नसकेको भन्दै गुनासो गरेको हो ।

निर्वाचन आयोगले संविधानसभा चुनावका लागि दल दर्ता गर्न आह्वान गरेको छ । आयोगद्वारा आइतबार प्रकाशित सूचनाअनुसार चुनावमा भाग लिन चाहने दलले वैशाख १७ देखि जेठ १५ भित्र निवेदन दिनुपर्नेछ ।

निर्वाचन आयोगले राजनीतिक दल दर्ताका लागि मंगलबारदेखि खुला गरेको छ । दल दर्ता गर्न चाहने दलले १० हजार जनाको हस्ताक्षर बुझाउनुपर्नेछ ।